9-13 მაისს 13 გლოუ გოგონა პრაღას ესტუმრა და მონაწილეობა მიიღო Erasmus+ პროექტში "სამოქალაქო და ლიდერული უნარების განვითარება ქართველი და ჩეხი გოგონებისთვის". ახალგაზრდული გაცვლითი პროექტის ფარგლებში გოგონები გაეცნენ ჩეხურ კულტურას, შეხვდენ ადგილობრივ ლიდერ გოგონებსა და ქალებს, გაიზიარეს მათი გამოცდილება.
პროექტმა გენდერული თანასწორობისა და ქალთა უფლებების ჭრილით მოხალისეობის, სოციალური მედიის ეფექტურად გამოყენების, საზოგადოებრივი აქტივიზმისა და კრეატიული წერის შესახებ ვორქშოპები მოიცვა. პრაღის საფეხმავლო ტურის - "ქალთა მოძრაობის ისტორია ჩეხეთის რესპუბლიკაში" საშუალებით კი გოგონები ქალაქსა და მის მნიშვნელოვან, თუმცა ზოგჯერ მივიწყებულ ისტორიებსაც გაეცნენ.
გარდა ამისა, მონაწილეები შეხვდნენ ჩეხეთის აჟამინდელი სენატის ყველაზე ახალგაზრდა სენატორს - ადელა შიპოვას. სენატორმა ისაუბრა ქალ ლიდერთა როლზე, გოგონებს პერსონალური გამოცდილება გაუზიარა, მისცა რჩევები, გააცნო ჩეხეთის რეალობა, ამჟამინდელი გამოწვევები და მისი, როგორც ახალგაზრდა ქალი სენტორის, როლი თანასწორობის, მწვანე, თუ სხვა გლობალური გამოწვევების საპასუხოდ ეროვნულ და ევროკავშირის დონეზე. თავის მხრივ გლოუ გოგონებმა სენატორს ქართული რეალობა, მათი გამოცდილება და პერსპექტივები გაუზიარეს.
Comments