1 წელი GLOW-სთან ერთად
GLOW მხოლოდ 10 დღიანი ბანაკი არ არის, ეს არის 1 წლიანი პროცესი, რომელშიც შერჩევის დღიდან ჩვენი ყოველი ბანაკელი იღებს მონაწილეობას
01
GLOW ბანაკი
ეს არის 10 დღიანი ბანაკი, რომელიც ყოველწლიურად საქართველოს სხვადასხვა რეგიონებიდან 50-დან 100-მდე გოგონას აერთიანებს და მიზნად ისახავს მათ შესძინოს და განუვითაროს ლიდერული უნარჩვევები და თავდაჯერებულობა.
02
"GLOW-ს სახლში წაღება"
& GLOW კლუბები
ბანაკის წარმატებით დასრულების შემდეგ მონაწილეებს "GLOW სახლში მიაქვთ", რაც გულისხმობს რომ ისინი GLOW ბანაკში შეძენილ ცოდნასა და გამოცდილებებს სხვადასხვა პროექტების ორგანიზებით უზიარებენ მათი თემის წარმომადგენლებს.
ინდივიდუალური პროექტების გარდა, ალუმნები თავიანთ თემის გოგონებთან ერთად აარსებენ GLOW კლუბებს, რომლებიც უფრო მდგრადია და უზრუნველყოფს GLOW-ს შედეგები ხანგრძლივ ვადაში შენარჩუნდეს
03
ელჩების კონფერენცია
ჩამოყალიბებული GLOW კლუბისა და განხორციელებული პროექტების ხარისხის, მასშტაბურობისა და შედეგების საფუძველზე GLOW ბანაკის მონაწილეთა მცირე ნაწილს ელჩების კონფერენციაზე ვიწვევთ და GLOW ელჩის სტატუს ვანიჭებთ.
ელჩების კონფერენციაზე გოგონები პრაქტიკაში სწავლობენ რეზიუმეს შედგენას, ინტერვიუს წარმატებით გავლისთვის საჭირო ტექნიკებს, პროექტების წერასა და ბიუჯეტირებას. კონფერენციის ბოლოს კი შესაძლებლობა აქვთ თავისი დაწერილი პროექტები წარმოადგინონ და მიიღონ უკუკავშირი მოწვეული ჟიურისგან.
04
საგრანტო პროექტები
ელჩების კონფერენციაზე მიღებული უკუკავშირის შემდეგ გოგონები საგრანტო განაცხადზე მუშაობას დამოუკიდებლად აგრძელებენ. დასრულებული საპროექტო განაცხადი GLOW Georgia-ს გამოცხადებულ საგრანტო კონკურსში შემოაქვთ. განაცხადებიდან საუკეთესო 5 -მდე პროექტი კი ვაფინანსებთ და განხორციელების რომელიმე ეტეპზე ვსტუმრობთ.
